மிளகு - சந்திரா தங்கராஜ்

-


 

"தொடுதிரைக்கு உள்ளே குதிக்க வழியில்லை" என்று ஒரு வரி வருகிறது தொகுப்பில்...

ஆனால் இந்தக் காகிதக் கட்டுக்குள்ளிருந்து ....

"ஜன்னல் வழியே ஒரு துண்டு நிலமெனத் தெரியும்" மலையையும்

"அழகை அழகெனக் காணும் கண்களுக்காகக் காத்திருக்கும்" காட்டையும்,

"எவர்வாழ்வுக்கும் தேவைப்படும் ஏதோ ஒன்றைக் குழைத்து வைத்திருக்கும்" பூக்களையும்,

"கவனேற்றப்பட்ட கல்லில் முடித்துவைக்கப்பட்ட சொர்க்கத்தின் பாதையில் சயனித்திருந்த" பறவைகளையும்,

"மலைக்குள் ஒளிந்துவிளையாடி எண்ணிக்கையின் போது கண்ணாமூச்சி காட்டும்" கால்நடைகளையும்

பால்யத்தில் களிக்கூட்டாகி நின்ற "சூரியனிருக்கும் போதே தோன்றிவிடும் நிலாவையும்",

"தன் நிணத்தை அறுத்துக் கானவனின் உடல்செய்யும்" காதலையும்

"தூதுப்பறவைகளைப் போல திரும்பி வரும் வழிகளை மறக்கடிச்செய்துவிட வேண்டிய" மரணத்தையும்

எல்லாவற்றிற்கும் மேலாக சொந்த நிலத்தை விட்டு வெளியேற வேண்டிய நாளை அவர்கள் தேர்வுசெய்த அதிகாரத்தின் பூட்ஸ்கால்களே குறிப்பதையும்,

கண்கள் விரிய விரிய விந்தைக் காட்சிகளாக அந்தந்த இடங்களுக்கே கூட்டிப் போய்க் காட்டுகிறது கவிதை

Comments

Post a Comment

Popular posts from this blog

தலைகீழ் விகிதங்கள் - நாஞ்சில் நாடன்.

-
Image
தலைகீழ் விகிதங்கள் - நாஞ்சில் நாடன். பாடம் நடத்தி விட்டுத் தேர்வு வைப்பது தான் வழக்கம் ஆனால் வாழ்க்கை மட்டும் தேர்வுகளின் மூலம்தான் பாடமே எடுக்கும் என்ற சொற்றொடருக்கு நீண்ட உரையாய் அமைந்ததே இந்த நாவல். தனிமனிதர்களுக்கு எந்த விருப்பு வெறுப்புமில்லாத ஒரு வாழ்க்கையைத் தான் குடும்ப அமைப்புகள் ஏற்படுத்தித் தருகிறதென்ற குற்றச்சாட்டுகள் எழத் தொடங்கியிருக்கிற இந்தக் காலகட்டத்தில் இப்படியான கதைகள் மீண்டும் மீண்டும் அழுத்தி சொல்ல வருவது குடும்ப வாழ்வின் தேவையையும் பாதுகாப்பையுமே. உறவுகளின் பல்வகைப்பட்ட உணர்வுகள் நெருங்கி மோதி உருவாகும் நல்லது கெட்டதுகளை பிரித்தறிந்தோ விட்டுகொடுத்தோ ஏற்றுக்கொள்ளத் துணியும் போது சகல சௌக்கியம் பெற்ற ஒரு வாழ்வை அனைவருமே வாழ முடியும். ஆனால் அது அத்தனை எளிதல்ல என்பதையும் கசப்போடும் புரிதலோடும் ஒத்துக் கொள்ளவும் வேண்டும். தன் மானமே பெரிதென்ற போக்கில்லிருக்கும் ஒரு இளைஞன் தன் எதிர்காலத்துக்காகவும் தன் தம்பி தங்கைகள் நிறைந்த குடும்பத்தின் நல்வாழ்வுக்காகவும் ஊதியத்துக்கான ஒரு வேலையின்றியும் போதிய வயதின்றியும் இருக்கும் ஒரு சூழலிலும் "பெரும்போகமாய்" வலிய வரு...
Read more

பிடிமண் - முத்துராசா குமார்

-
Image
"1 ரூபாய் சூடத்தீ உடம்பு" இந்த ஒரு வரியை எப்படிச் சிந்தித்திருப்பார் என்றே இரண்டு நாட்களாக யோசித்துக் கொண்டிருக்கிறேன். காலம் முழுக்க மறக்காது இந்த வரி. மரபுக்குத் திரும்புதலை ஒரு பேஷன் போல ஆபாசமான வர்த்தகமாக மாற்றத் தொடங்கி அவலமாய்ப் பைநிறைத்துக் கொண்டிருக்கும் காலத்தில் உண்மையாகவே மரபென்பது பழமையைக் கொண்டாடுதல் அல்ல கைமாற்றுவதுதான் என்பதை நாம் இன்று இழந்து நிற்கும் நிலம், பண்பாடு , கல்வி, கலை, வழிபாடு, விவசாயம், உள்ளிட்ட அனைத்தின் அழிவிலும் கண்டுகொள்ளலாம். அந்தப் பூர்வீக நினைவுகளை சூடு குறைந்த பின்னும் சொத்தென்று கைப்பற்றியிருக்கும் பிடிமண்ணில் பதியமிட்டுருக்கிறார்
Read more

நூறு ரூபிள்கள் - மயிலன் சின்னப்பன்.

-
Image
  ஒரு பெருந்தொற்று பாவம் பார்த்து விட்டுப் போனதின் எச்ச மிச்சமாய்க் கிடக்கும் எனக்கு இதற்கு முன் எத்தனையோ முறை எதேதெற்கோ வீழ்ந்து துவண்ட போதெல்லாம் தன் " பக்கக்கரங்கள் " நீட்டி சுவீகரித்துக்காத்துக் கொண்டதைப் போல இனியும் வழக்கம் போல் புத்தகங்கள் தான் மறு உயிரளிக்கப் போகிறதென்ற முடிவிற்கு வந்த பின் கையிலெடுத்த முதல் புத்தகமே விதவிதமான கதைக்களங்களின் தேர்விலும் தேர்ந்த கதைகளுக்குத் தகுந்த மொழியும் எழுத்துமாகச் சேர்ந்து புத்துயிர்ப்பிலும் தெளியாத புதிர்ப்பாதையும் புராதன ரகசியங்களுக்குள் திறக்கும் புதியதொரு கதவையும் இன்னதென்றறியாத இளம்பிராயத்தின் இனியொருபோதும் திரும்பாத இனிமைகளையும் தோல்விகளுக்கு இடையில் பெறும் இடைவெளிகளையே ஆசுவாசமாய் எண்ணி வாழும் இன்னல்கள் நிறைந்த நடுத்தரக் கிராம மனங்கள் எதிர்கொள்ளும் குழப்பங்களையும் இழப்பையும் குடும்ப உறவுகளின் அன்பில் விளையும் நெருக்கத்தையும் அவர்கள் துயருறுகையில் அதைத்தடுக்கக் கைநீளாத இயலாமையில் துவளும் மனதையும் மதுமயக்கத்தில் சரிக்கும் தவறுக்குமான தராச...
Read more